No telexornal, estos días só vemos novas como:
Ponte arrasada, rúa inundada, baixo asologado, casa derrumbada por mor dun corremento de terra...
Como todos ben sabedes, estos 3 días lévase recollido a metade do que chove en España ao longo de todo o ano. A nós, por sorte, colleunos moi ben previstos, xa que tiñamos todas as vías de desaugue limpas e desbrozadas, grazas ás xestións que nós realizamos no concello.
Temos, de antemán, que felicitar e agradecerllo á brigada de medio ambiente do concello, que seguen traballando, pero debemos recordar que non só existe Parada, senón tamén 31 pobos máis e non dan estado en todos sitios ao mesmo tempo. Pero só aprobamos cun 7 en vez dun 10 debido a que houbo un pequeno percance na aldea de arriba, do cal non tiñamos coñecemento.
Precisamos de máis axuda por parte dos veciños, xa que non temos unha bóla máxica para poder saber de todas as cousas que pasan.
Queremos agradecer a vosa colaboración, en especial, a dalgún veciño do pobo que se implicou activamente na boa resolución do percance arriba exposto.
Resumindo, os resultados da primeira fase foron satisfactorios, e agora estamos a piques de comezar coa segunda fase, despois destas festas do nadal.