Bacheado das rúas

Bacheado da rúa Damil a Gudes e do Porto ata a Igrexa

Xuntanza de veciños co Alcalde

Xuntanza de veciños  co Alcalde por mor do camiño vello de Parada.
O Alcalde comprometeuse a facer o camiño como lle propuxemos e, a maiores, darlle un repaso a todas as  pistas coa motoniveladora cando mellore o tempo, para deixar as cousas ben feitas.

ESTRADA VELLA DE PARADA DE RIBEIRA

O Camiño Vello de Parada de Ribeira presenta unhas moi deficientes condicións, non desauga e desempeña, en tramos, máis ben a función dun pantano que dun camiño. Por outra parte, os propietarios das terras da man dereita do camiño (en dirección a Xinzo) non teñen acceso a elas dado que o mesmo está intransitable.

Os veciños amósanse moi interesados en utilizar este camiño tamén como alternativa peonil segura nos seus desprazamentos a pé ata Xinzo.

Así mesmo, non  dispón de cunetas adecuadas para que a auga poida discorrer por elas, provocando así frecuentes asolagamentos e causando importantes problemas a nivel medioambiental, xa que a depuradora está de lado do camiño e a fosa séptica no medio do mesmo. A consecuencia de todo o anteriormente exposto é que a auga asolaga o camiño, causando importantes molestias para os veciños.

FOTOS DO CAMIÑO:

Vista dende o comezo do camiño en Xinzo cara Parada

Tramo ao lado da depuradora con vista a Xinzo

Tramo ao lado da depuradora con vista a Parada

 Tramo con vista a Xinzo: á esquerda o peche do Chato

Nesta foto: atópase a fosa séptica no medio do camiño

Tramo con vista a Parada

Arqueta do sumidoiro destapada no camiño ao lado do Coello

Tramo ao lado do Coello, con vista a Xinzo

A nosa Proposta:

Realización das obras de acondicionamento do Camino Vello dende a marquesiña existente na estrada, diante da casa do Blanco, ata a casa do Placer o das pinturas, sendo un tramo de 2.000 metros.

A recuperación deste camiño comprende o desbroce e limpeza do mesmo dende Parada ata Xinzo co seu posterior recheo mediante material e realizando a súa canalización, facendo  unha única cuneta para aproveitar máis o ancho do camiño. A cuneta habería que realizala dende a depuradora ata a casa do Placer, pola man esquerda, para así facilitar o acceso a todas esas fincas sen necesidade de facer un pontellón para cada unha delas e no resto do tramo por onde sexa máis axeitado facelas xa que a fosa séptica se atopa no medio do camiño.

Coa recuperación deste camiño posibilitamos o acceso a tódalas fincas que a día de hoxe non o teñen e ademais, remataríamos, dunha vez por todas, tanto cos vertidos ocasionados polas persoas do pobo como cos principais vertidos da depuradora.

Lavado da rúa xunto a casa da María Portuguesa

Lavado da rúa onde María Portuguesa ata o comenzo da zahorra, por estar chea de terra arrastrada pola auga que bolsaba do regueiro que ben dende o depósito

Limpeza do regueiro

Limpeza e retirada do tronco do regueiro pola Brigada de Medioambiente do Concello  dende o Depósito ata  o camiño do Soutiño

Acondicionamento da depuradora

No día de hoxe 14/01/2011 comezouse co acondicionamento da depuradora

Arranxo da arqueta onda Felicia

Arranxo da arqueta pola Brigada de Obras do Concello xunto a Felicia